Pavertsni-js weer niet uutgelek!
PYONGYANG – Nao twee jaor geet ‘t weer gebeure: ‘n oldewets carnaval en daorbi-j heurt ‘n oldewetse uutgave van ‘t Pavertsni-js. Um niks aan ‘t toeval oaver te laote het ‘t Pavertsbestuur ‘t boekwark veurige wèèk al verspreid onder de minse in Pyongyang.
En hol ow goed vas, want de 3 miljoen inwoners van de Noord Koreaanse stad zun stuk veur stuk kats enthousias! Gelukkig hebbe ze de mond dich kunne holde en he-j dus wat um naor uut te kieke.
Vanaf 10u trekke de warkende leje van de Paverts met de collectebus en de 37e edisie van ‘t Pavertsni-js langs de deure. Zörg da-j thuus bunt en hol de res van de dag vri-j veur 108 broézende pagina’s aan zin en onzin!
